ሳምንታዊው የወርቃማ ሰኞ መርሀ ግብር አገልግሎት አሰጣጥና ደንበኛ አያያዝ ዙሪያ ተካሄደ።

ነሐሴ 20 ቀን 2017 ዓ.ም

በአዲስ አበባ ሥራና ክህሎት በሳምንቱ የመጀመሪ ቀን የሚካሄደውን የወርቃማ ሰኞ የዕውቀት ሽግግር መርሀ ግብር <<ወርቃማ ሰኞ ለወርቃማ ሳምንት>> በሚል መርህ በየሳምንቱ በተለያዩ ርዕሰ ጉዳዮች ላይ መካሄዱን ቀጥሏል።

በዛሬው ዕለት በተካሄደው   የዕውቀት ሽግግር መርሀ ግብር  ትኩረቱን በአገልግሎት አሰጣጥና ደንበኛ አያያዝ ዙሪያ በቢሮው የስነ-ምግባርና የፀረ-ሙስና  ዳይሬክቶሬት አቶ እሸቱ ንጉስ  አማካኝነት ገለፃና ማብራሪያ ተሰጥቷል።

በአገልግሎት አሰጣጥ ሂደት አገልግሎት  ሰጪ ተቋማት ማሟላት በሚገባቸው ቅድመ ሁኔታዎች እንዲሁም አገልጋይ ባለሙያዎች ሊላበሷቸው  ስለሚገባ የስነ-ምግባር መርሆዎች ተነስተዋል።

አገልግሎት ሰጪ ተቋማት አገልግሎት ለመስጠት የሚያስፈልጉ ቅድመ ሁኔታዎችን ከማሟላት ባሻገር የተገልጋይ ባህሪያትን ቀድሞ በመረዳት ደንበኛን በአግባቡ መያዝ እንደሚገባ ተጠቁሟል።

<<ከፍታን ማፅናት፤ ነገን ማላቅ>>